HOME LANGKAN CARITO

  • Jumat, 29 November 2019

TALAMPAU SAYANG KA APAK, MANDEH TALUPOAN

TALAMPAU SAYANG KA APAK, MANDEH TALUPOAN

 

Oleh: M. Nanda Arisandi*

 

Dicaritoan seorang anak mudo yang banamo Lukman, anak dari Upiak Idah, kiro-kiro alah duo puluah anam umuanyo. Urang yang lah lamo hilang dari kampuang, nan tibo-tibo sajo babaliak. Kiro-kiro alah duo tahun lamonyo, kok pai marantau indak ado urang nan tahu sabalunnyo, kaba dahulunyo ilang bak itu sajo, sampai ado yang mangatoan inyo alah maningga bagai. Katiko pulang baitu takajuik kaluarganyo dan urang kampuang disakitarnyo. Banyak nan alah barubah bana dari Si Lukmankok sumbayang di surau alah rajin, tapi inyo nionyo surang indak nio bajumaah, kok mangecek kurang bana aka urang, banyak mangecek Si Lukmanalah mulai gilo. Dek parubahannyo banyak urang bakato Si Lukmanalah mulai gilo sajak sasudah ilang sabalunnyo. Tapi mode itu lah Si Lukmansairiang wakatu ado niaik batanyo-tanyo lah Buya kabakeh Lukman. Sasudah urang sumbayang ashar baru lah Si Lukmantibo, sumbayang lah inyo baru sasudah tu ditanyo dek Buya.“ oi yuang, kan alah lamo pulo Buya mancaliak yuang sholat mah, tapi baa kok dak nio yuang bajamaah ? beko kan gadang tu pahalonyo.” Kato Buya sambia batanyo jo manasehati. Nan Si Lukmanindak juo manjawek, inyo tinggaan Buya baitu sajo inyo bae pulang maninggaan surau baitu sajo indak ado sapatah kato jo dari muluiknyo. Baitu lah Si Lukmansajak pulang indak ado banyak keceknyo.

            Dek alah risau mancaliak laku Si Lukman bisuaknyo pailah Buya ka rumah Lukman, nio mancaliak apo sabananyo tajadi pado Si Lukman, ibo pulo mancaliak inyo bacando itu. Sampai lah Buya di rumah Si Lukman ka bisuaknyo. “assalamualaikum, ado urang di rumah ?”, tanyo Buya katiko alah sampai di mungko rumahnyo Lukman, kironyo yang manjawek mandeh Si Lukman.“wa’alaikumsalam, eh Buya. Masuak lah dulu Buya, duduak lah dulu bia ambo ambiakan aia dulu sabanta kadapua” jawek mandeh si Lukman. Alah duduak kaduonyo Si Lukmannan dicari kironyo indak di rumah. mangko batanyo mandeh Si Lukman“ oh yo Buya, apo makasuik yang mambaok Buya datang ka rumah ambo mancari Lukman”. “oh iyo Piak, ambo kamari nio batanyo masalah Si Lukman kini ko. Alah jauh bana nampak barubah dek Ambo apo nan tajadi jo inyo ?. ambo maraso ado yang marisauan di bakeh inyo.” Tanyo buya aka bakeh mandeh Si Lukman. Dak sasudah tu tamanuang mandeh Si Lukman sabanta, dek mandanga anaknyo yang barubah dek nampak dek urang. Mangko di jalehan lah dek mandeh Si Lukman bamulonyo barubah sabanayo dek kini juo tapi sajak apaknyo maningga.

            Di caritaoan lah dek mandehnyo, dulu sabananyo Lukman ko anak yang manjo ka bakeh apaknyo, apo pun yang dikarajoan dek apaknyo pasti nyo ikuik-an, kasadoalah nyo ingin bak cando apaknyo. Basabab dek inyo apaknyo nan urang yang inyo banggakan. Nan subayang disuruah apaknyo inyo patuahi, dek apaknyo urang kuek ba agamo juo, Inyo urang yang sayang ka bakeh urangtuonyo indak pun sakali inyo manyakik-i hati kaduonyo, Apo pun yang disabuik dipatuahi. Tibo di suatu ari apaknyo sakik kareh alah kian kamari barubek dibaok. apaknyo indak nio yang disuruah apaknyo anaknyo untuak sambayang taruih, katiko bujuang juo nan disuruah apaknyo tatap sumbayang juo. Supayo maminta ka bakeh tuhan. Sabab apaknyo ingin Si Lukman manjadi urang yang kuek ka agamo bisuaknyo. Karano dek apaknyo urang yang bapacik ka agamo akan manjadi urang nan paliang baruntuang. Dek sakik alah manjadi akhianyo nan angok indak tau, maningga lah apaknyo Si Lukman. Di sinan lah mulonyo Si Lukman jatuah bak cando jatuah tapai. Sadoalahnyo pun mulai barubah sampai akhianyo Si Lukman mailing dari kampuang. Dek mandanga carito itu, mangko mangarati lah Buya apo nan tajadi. Cuman kini baa caro mambaok Si Lukman manjadi urang yang yang sarupo biasonyo.

            Azan magrib alah bakumandang urang alah bajalan ka surau nio sumbayang, tapi nan kali ko agak babeda dari sabalunnyo, Si Lukman yang biasonyo suko sumbayang surang kini alah mulai nio ikuik bajamaah. Sasudah sumbayang mulai lah Buya baliak nio ma ajak Si Lukman bacarito, diimbau lah Si Lukmannan kito lai manuruik sajo, rasonyo nampak Si Lukman nan lamo dek Buya baliak, diajak lah bacarito dek Buya, mulonyo Lukman diam sajo akhianyo dicaritoan lah dek Si  Lukman apo yang sabananyo tajadi. “sabananyo Buya ambo urang yang lalai, ambo alah malawan ka tuhan, karano inyo gagal dalam manyalamaikan urang nan paliang  ambo sayangi  Buya. Dek karano itu ambo lari ka tampek nan jauah dan ambo mananangan hati di sanan. Yo lah lamo ambo pai Buya, katiko ambo di jalan ambo ado pikia mungkin tuhan kok indak ado, mangko ambo bajalan di nan gilo mancari tuhan, manuntuik nan sabannyo. Dek hanyo pangana ka apak sampai lupo kironyo ba mandeh dek takana mandeh mangko denai pulang Buya, maraso malu ambo dalam hati kok sumbayang bajauahan, ambo indak pantas ikuik jo urang nan taat tu Buya, mangko ambo manyisiahan diri, manduluan urang yang patuah ka tuhannyo” baitu yang tajadi di caritoan dek Si Lukman.

            Bakato Si Lukman ka Buya, samanjak ayahnyo maningga, inyo pai bajalan indak bakatantuan arah manatap lah di sinan di parantauan. Inyo marantau indak ado yang tau baitu pulo mandehnyo, sampai lah urang baranggapan inyo alah ilang atau maningga. Inyo pai dek karano kok tingga di sinan juo hati nyo ka apaknyo juo, kok taruih balaruik bisa gilo Si Lukman deknyo. Sampai suatu hari inyo sadang bakrajo, indak sangajo bosobok dek inyo urang gilo yang sadang mausai sarok, dalam hati Si Lukman bakato “ kironyo tuhan indak adil, apo gunonyo iduik kok gilo bak cando iko”. Susudah tu nyo lanjut pai karajo baliak, alun bara langkah bajalan diariak lah Si Lukman dek urang gilo tadi, tibo didakek Si Lukman disabuik lah dek urang gilo tadi “ yang indak adil itu waang, ang hanyo mamakai aka tapi hati ang mati, jadi sia nan indak adil hahaahaha” sambia pai urang gilo jo galaknyo. tamanuang Si Lukman mandanganyo sambianyo pikian baa kok tau urang gilo yang nyo sabuik dalah hati tadi tu taheran-heran Si Lukman dibueknyo. Katiko hari malam manjalang ka lalok diinokan bana kato urang gilo tu, takana dipangana apo nan dak adil dihati, sakileh taingek jo mandeh Si Lukman, ruponyo dek sayang talampau ka Apak ka mandeh balengahan, indak disangko mandeh alah batinggan surang diri. Mangko dek itu, Si Lukman pulang nio babaliak ka rumah mandehnyo, nan alah lamo inyo tinggan.

            Baitu lah carito Si Lukman ka bakeh Buya, mangko sasudahnyo dinasehati lah dek  Buya bahwa sanyo patuah indak ka apak sajo dek karano mandeh itu labiah gadang pulo jasanyo, jan sampai dilupoan. “pulang lah ka rumah, tamui mandeh ang yuang, minta maaf ka inyo, jan sampai risau pulo hatinyo, karano ridho Allah itu indak ciek di Apak sajo” pasan Buya ka Si Lukman sambia kaduonyo pai bajalan pulang.

 

*Mahasiswa Sastra Minangkabau FIB Unand

 

 

 

 

 

 

 

 

 


Wartawan : M. NAnda Arisandi
Editor : bahren

Tag :# Langkan # curito #minang

Baca Juga Informasi Terbaru MinangSatu di Google News

Ingin Mendapatkan Update Berita Terkini, Ayu Bergabung di Channel Minangsatu.com