- Jumat, 1 Mei 2020
SASAMPIK-SAMPIK BALAI ANAK RAJO LALU JUO
SASAMPIK-SAMPIK BALAI ANAK RAJO LALU JUO
Oleh: Bahrul*
Tasengeang galak Yuang Uyun mambaco laman ef be jo we a e. Dicubonyo mangana-ngana baliak urutan kejadian dalam duo bulan nangko. Di inok dimanuangkannyo, mancaliak ka naib rakyaik badarai di mao kiniko. Rakyaik badarai cando basiluncua di ombak puruih. Awal e lai agak ngenek, sudah tu di tutuah dek ombak nan agak gadang. Baru ka dapek papan anyuik, digulung lo dek nan labiah gadang. Co itu bana parasaian sarok-sarok balai di zaman kini nangko.
Bamulo kaba dari lua nagari tantang pirus-pirus panyakik nan sangek babahayo kiniko. Nan rayaik ndak acuah bana. Ndak lamo antaronyo doh, alah tibo pirus ko di nagari kito. Terakhir lah di muko pintu umah kiro e pirus tu. Baa aka dek kito lai? Kok di tenok ka pamarintah, nan pamarintah tagagau kito pulo. Bamacam caro dibuek untuak ma ambek kancang penyebaran e. Mulai umah sakik, jago jarak langkok jo nan lain e.
Limbak kapado warga sarok- sarok kuaci ko tantu batambah rilaik. Sadang hari alang je lai payah mencari makan kunun lah batambah pulo jo batasan nan labiah banyak. Antahlah ko nyeh, konyeh lah antah Yuang.
Indak sampai di situ sajo, ado kaba nan dibuek rang gadang di jawa tu. Seketek banyak e tantu jadi paratian juo dek rakyaik ko. Nan anak si anu dapek proyek dari pembantu apak e lah. Nan paja mudo matah gadang badagok tu dapek lo nan labiah gadang lai. Kawan e baitu pulo, lah diolah lo kampuang halaman e. Arati e bana muibah di urang atau baduo urang, bia jadi razaki dek nan lain. Pakiak-pakiaka an rakyaik badarai, Nan bapitih batambah juo proyek e dek wabah ko.
Tarakhir kaba e ado pembatasan kapa tabang. Lah parkir pulo pa tabang punyo rayaik ko. Disangko lah ka sampai kaba di nan mantun je. Kiro e indak. Kawan apak upo e buliah mambaok penumpang. Ba a ndak ka tasingik galak Buyuang. Takana kecek bak uwo e daolu. Yuang, "Sarami-rami balai nan anak rajo lalu juo". Dalam galak Buyuang bakirim Alfatihah ka bak uwo e. Mudah-mudahan wabah ko sugiro ilang dari kampuang kito. Bia kito bisa kumbali karajo sarato baibadaik sarupo nan taralah.
BAHRUL
*Pernah jadi Wartawan
Editor : bahren
Tag :# Langkan # curito #minang
Baca Juga Informasi Terbaru MinangSatu di Google News
Ingin Mendapatkan Update Berita Terkini, Ayu Bergabung di Channel Minangsatu.com
-
DEK KATO-KATO
-
MADA
-
MAMINTEH KA ULU, MANGAJA KA BALAKANG
-
MAMINTEH KA ULU, MANGAJA KA BALAKANG
-
PITUAH KUCIANG II
-
MEMANUSIAKAN MANUSIA: KUNCI KEBANGKITAN KABUPATEN LIMAPULUH KOTA
-
LEBARAN, LIBURAN DAN KEMACETAN
-
STRATEGI PENGATURAN PEMAJUAN KEBUDAYAAN SUMATERA BARAT (BAGIAN TERAKHIR DARI TIGA TULISAN)
-
PADANG KOTA KULINER DUNIA
-
PRESKRIPSI PEMAJUAN KEBUDAYAAN DALAM KONTEKS SUMATERA BARAT (BAGIAN KEDUA DARI TIGA TULISAN)