HOME LANGKAN PEPATAH

  • Jumat, 18 Oktober 2019

Elok-ELok Manyubarang Jan Sampai Titian Patah

Pepatah
Pepatah

Elok-Elok Manyubarang, Jan Sampai Titian Patah

Oleh: Radha Chania Fardean*

 

Pepatah atau mamangan adaik di ateh marupokan sabarih lirik lagu nan tasabuik di ranah minang. Salain lagu nyo nan rancak dendang musik nyo lamak pulo di danga. Pepatah dalam lirik lagu di ateh barisi pasan nan rancak sarato elok ka untuka urang nan ka pai marantau. Kato elok-elok di siko aratinyo adolah kato nan sipasankan kan ka untuak urang nan sadang pai atau kabajalan, kato elok-elok marupokan kato ulang, jikok hanyo sakali sabuik “elok” akan babeda aratinyo. Elok marupokan kato tungga, sadangkan elok-elok ulang yang aratinyo tentang suatu keadaan. Kato elok-elok bisa pulo di katokan untuak mnyabuikan untuak urang darus salalu hati-hati untuak mangarajokan sagalo sasuatu dek urang nan sadang pai bajalan, jikok kito hubungkan jo barih lagu atau papatah tadi, kato-kato, elok elok di siko arati pasan nan di katokan untuak urang nan pai marantau.

Kato manyubarang asa katonyo dari subarang, di tambah jo awalan maN- manjadi manyubarang, arti kato manyubarang. Manyubarang manuruik bahaso minang artinyo adolah malinteh atau pai bajalan kasubarang, bisa pulo kita aratikan urang nan bajalan kabaliak jalan, atau urang nan handak pai dari tampek nyo manuju ka sabaliak jalan. Jikok kito aratian kato manyubarang di barih papatah atau lagu tadi mukasuik mamyubarang di situ iyolah pai marantau atau pai ka nagari urang.

Kato barih nan kaduo, Jan sampai titian patah. Jan sampai, tadiri dari duo kato, jan arati nyo manuruik bahaso minagkabau iyolah barupo kato larangan atau untuak managahan sasuatu nan ka tajadi, sasuatu nan indak dipintak untuak tajadi. Kato “jan sampai” ko marupokan kato nan di katokan kapado urang nan pai marantau tadi karano ado sasuatu nan di larang untuak di pabuek. Jan sampai ko sangaik dalam makna nyo, sarupo jo kato cagah sabalun tajadi. Mukasuiknyo iyolah sabalun sasuatu hal yang ndak di inginkan tajadi ado rancak nyo supayo tiado sasa kamudian. Namun kito dapek mangaikan kato jan sampai tadi ka papatah nan di ateh, baso inyo bamakna nan tatuju untuak urang nan marantau supayo indak babuek salah di rantau urang.

Lanjuik pado kato titiah patah.  Titian bararti perjalanan atau jalan manuju ka tujuan kito. Kato titian bisa pulo samo jo jembatan tampaik kito bajalan. Patah tu aratinyo rusak atau gagal dalam bajalan, nan mangakibaikan urang tajatuah. Jadi titian patah itu bararti tampek inyo bajalan tu patah atau tampek nyo bagantuang tu ndak bisa di tijaki. Atau labiah jalehnyo titian tu sabuah rintangan untuak manuju ka tujuan.

 

Elok elokmanyubarang

Jan sampai titian patah

Elok elok di rantau urang

Jan sampai babuek salah

 

Pado pantun di ateh tamasuak ka dalam pantun nasehat karano pantun tasabuik barisi nasehat nasehat. Di situ tadapek pasan urang kapado urang nan pai marantau,supayo di rantau urang labiah bahati-hati supayo indak babuek salah. Biasonyokato pepatah minangkabau di atehacok di katokanka anak anakmudo nan ka pai marantau.  Kato pantun di ateh dapek kito tamukan di carito-carito masyarakaik Minangkabau, di puisi jo karangan karangan Minangkabau lainnyo tamasuak di lagu lagu modern Minangkabau. Mudah-mudahan ado mampaatnyo untuak kito.

 

*Mahasiswa Jrusan Sastra Minangkabau FIB Unand


Wartawan : Radha Chania Fardean
Editor : bahren

Tag :# Langkan # Pepatah # Minang

Baca Juga Informasi Terbaru MinangSatu di Google News

Ingin Mendapatkan Update Berita Terkini, Ayu Bergabung di Channel Minangsatu.com