PANTUN DI RUMAH SAJO #05

Oleh  : Sarah Muthia Fatmi*

Disangko hari alah sanjo

Kironyo masih pagi buto

Disangko sanang dek libur corono ko

Ibo ati dek indak bisa ka mano-mano

Dari kapalo sampai ka ujuang kaki

Saraso mati satangah badan

Dek wabah corona alah mambumi

Mako di rumah sajo nan paliang aman

Musim ujan datang tando ka sawah

Batanam  padi nan rancak bana

Mari basamo-samo badiam diri di rumah

Untuak mamutuin rantai penyebaran corona

Indak disangko uda ka manduo

Mambunuah ati denai sakijok mato

Indak disangko ka cando iko

Dunia langang dek wabah corona ko

Parak gatah si upiak Ana

Samak tumbuah alah ba ula

Kok iyo lai takuik jo corona

Tahanlah badan indak pai kalua

*Mahasiswa Sastra Minangkabau Universitas Andalas