HOME LANGKAN PANTUN

  • Rabu, 8 April 2020

PANTUN DI RUMAH SAJO #06

Pantun
Pantun

 

PANTUN DI RUMAH SAJO #06

Oleh: Mona Darmita*

 

Barami-rami pai balanjo

Tibo di lapau, kadai batutuik

Kami-kami di rumah sajo

Takuik corona beko manuruik

 

Pai kalua sanjo rayo 

Inyo pai surang-surang

Lai di suruah di rumah sajo

Tapi inyo tetap manantang

 

Pai kakadai untuak balanjo

Nampak padusi sabana rancak

Lai tau corona dimano sajo

Untuak samantaro kito jago jarak

 

Pai ka sawah di hari hujan

Baok karuang untuak manyabik

Dek ulah kuliah di liburkan

Di rumah sajo acok kanai arik

 

Acok-acok pai kalua

Tibo di lua harilah sanjo

Elok-elok virus Corona

Labiah rancak di rumah sajo

              

*Mahasiswa Sastra Minangkabau Universitas Andalas

 


Wartawan : Mona Darmita
Editor : bahren

Tag :# langkan # Puisi # Pantun # Minang

Baca Juga Informasi Terbaru MinangSatu di Google News