PANTUN DI RUMAH SAJO #08

PANTUN DI RUMAH SAJO #08

OLEH: Siti Juhaira Fitri*

Pai ka pasa bali pepaya

Pakai baju mode sabrina

Lah langang kini jalan raya

Dek karano ulah virus korona

Pagi hari amak ka balai

Untuak anak lai makan nasi

Kamalah urang handak ka pai lai

Kini jalan lah banyak di ambek jo polisi

Dapek info dari surek kaba

Kini gubernur samakin ramah

Nasib iduik kini antah ba a

Nan jaleh ijan dulu kalua rumah

Jalan-jalan ka Puncak Mandeh

Indak disangko basuo jo Ajo

Lah abih galeh modal tandeh

Dek abak kini di rumah sajo

Bajalan jo Ajo jan lupo di pacik

Kok lapeh usah di tangisi

Satiok pagi kini di mancalik

Abak lah mangopi jo makan NAsi

* Mahasiswa Sastra Minangkabau Universitas Andalas