HOME LANGKAN PANTUN

  • Selasa, 7 April 2020
PANTUN DI RUAMH SAJO #03
Pantun

 

PANTUN DI RUMAH SAJO #03

Oleh:  Intan Purnama Sari*

    Bubua nasi, bubua olahan

Dimakan jo lamang tapai

Libur iko untuak kesehatan

Jan sampai awak takanai

 

Pagi-pagi alah tapana

Tapana dek ulah caliak berita

Anak-anak libur dek corona

Di rumah sajo kito baraja

 

Jambu kaliang di ateh batang

Enggeran anak alang kaduonyo

Usahlah sanak manantang

Ikuti sajo aturannyo

 

Ka kadai mambali lado

Lado diserak an ka dalam samak

Korona tibo sansai nan ado

Kuliah online buek paniang utak

 

Bajalan malam pakai senter

Senter diambiak dalam lamari

Kuliah daring sampai akhir semester

Indak bisa sobok jo kekasih hati

 

*Mahasiswa Sastra Minangkabau Universitas Andalas


Wartawan : Intan Purnama Sari
Editor : bahren

Tag :# langkan # PuIsi # Pantun # Minang