HOME LANGKAN KATO

  • Senin, 9 November 2020
Bajalan paliarolah kaki, bakato paliharolah lidah
Pepatah

Bajalan paliarolah kaki, bakato paliharolah lidah

Oleh: Rona Almos*

 

Peliharalah kaki ketika berjalan, kendalikan lidah saat bertutur kata.

Dalam manjalankan kehidupan di dunia ko pepatah-petitih di ateh andaklah kito tanamkan dalam kahidupan sahari-hari. Sabalum kito masuk pado makna apo yang takanduang dalam pepatah-petih di ateh, talabiah daulu akan kito bahas makna kato demi kato.

Patamo ado kato bajalan. Bajalan marupokan bantuak dasar dari jalan. Sasudah mangalami proses morfologi afiksasi prefiks ba-. Kato jalan barubah menjadi kato bajalan yang mampunyoi makna malangkahkan kaki manggarik maju. Sasudah tu ado kato paliarolah. Kato paliarolah barasa dari kato paliaro kamudian ado partikel –lah yang malakek nan bapungsi sabagai penegas. Paliarolah manganduang arti  jago. Kamudian kito lanjuik ka kato sataruihnyo yaitu kato kaki. Kaki adolah anggota badan yang manopang tubuh dan dipakai untuak bajalan.

Kito lajuik ka kato nan salajuiknyo yaitu kato bakato. Samo jo kato bajalan, kato bakato marupokan batuak dasa dari kato “kato” nan mangalami proses morfologi afiks prefiks ba-. Sasudah mangalai proses morfologi kato “kato” barubah manjadi kato bakato nan manganduang makna malayian isi ati jo kato-kato. Salanjuiknyo ado kato paliarolah. Kato paliarolah alah kito jalehkan di ateh. Kamudian kito masuak kakato nan tarakhir yatu kato lidah. Lidah adolah bagian tubuah dalam muluik nan dapek mangari-garik mudah yang gunonyo untuak majilek, dan bakato-kato.

Kato demi kato dari pepatah petih di ateh alah kito jalehkan. Kito masuk ka panjelahan apo bana makna sacaro kasaluruhan dari pepath-petitih di atah.  

Yang dimaksud mamaliharo kaki katiko bajalan di siko adolah, anjuran untuk bahati-ati dalam manjalankan kahidupan di ateh bumi ko, jan anyo malakukan sagalo hal yang kito kahandaki sajo, karano satiok perbuatan salalu ado konsekuensinyo.

Sadangkan makna mangendalikan lidah katiko bakato yakni, pikiaan masak-masak ateh apo yang andak disampaikan kapado seseorang, supayo ucapan kito indak sampai manyingguang ataupun manyakian ati lawan katiko sadang mangecek.

Sahubungan jo mangandalikan lidah katiko bakato, ado kiasan nan sangaik diparatian dek masyarakaik Minangkabau yaitu tau raso jo pareso. Adaik Minangkabau mautamokan raso malu jo sopan santun dalam pargaulan. Ungkapan tau raso jo pareso mencerminkan apo nan dikarajoan dan apo nan akan dikatokan jan sampai manyingguang perasaan urang lain. Dek karano itu, satiok malakukan suatu perbuatan urang arus manggunokan perasaan dan maindari kamungkinan timbuanyo pasalisihan dalam pergaulan. Raso malu sangaik penting untuak diterapkan dalam kahidupan sehari-hari.

Raso malu jo sopan sasmo manusia, sagan manyagani, tenggang raso dan saliang maharagoi antaro sasamo anggota masyarakaik. Dari rasi malu timbua raso sopan. Raso ikolah nan bapungsi sabagai parakek dan mangikek dengan arek di tangah masyarakaik Minangkabau.

*Dosen Sastra Minangabau Unand

 

 

 


Wartawan : Rona Almos
Editor : bahren

Tag :# Langkan # Pepatah # Minang