Gandang Tambua Minangkabau

Gandang Tambua Minangkabau

Oleh: Annisa Krisdayanti*

Gandang Tambua marupokan bantuak dari etnomusikologi yang ado di Minangkabau. Etnomusikologi tasabuik adolah aspek sosial dari budaya tahadok musik jo tarian dalam konteks lokal dan global. Singkeknyo etnomusikologi marupokan kajian studi tentang musik suatu kebudayaan secara aspek materi musiknyo atau koteks budayanyo.

Gandang Tambua adolah salah satu alat musik tradisional yang ado di Minangkabau. Alat musik iko tadiri dari duo instrumen yaitu Gandang Tambua jo Gandang Tasa. Biasonyo alat musik ko ditampilkan pado maso acara adat yang ado salamo satu atau duo jam lamonyo. Gandang Tambua babantuak tabuang dibuek dari bahan kayu dan mampunyoi dua permukaan kulik. Gandang Tambua dimainkan jo caro disandang pado salh satu bahu pemain dalam posisi tagak. Dimainkan jo panokokn tambua, samacam stik yang tabuek dari bahan kayu. Sdangkan gandang Tasa bantuaknyo satangah bolah yang mampunyoi satu sisi, biasonyo dimainkan dengan caro dipukul manggunokan rotan ketek nan panjang.

Kesenian musik ko alah maagiah warna dalam kesenian di Minangkabau. Bantuak dari komposisi musik yang meprovokasi dan bercirikhaskan kesenian iko mampunyoi keunikan dalam mamainkannyo. Gandang Tasa dimainan oleh tujuah urang pamain nan tabagi manjadi, anam pamain untuak Gandang Tambua dan surang urang untuak pamain Tasa.

Gandang Tasa baparan sabagai intro pambuko sabalun Gandang Tambua dimainan. Gandang Tasa manjadi panyambuang dalam paraliahan lagu, manantukan durasi lagu dan sacaro kasaluruahan Gandang Tasa marupokan pamimpin dalam kesenian iko. Sadangkan Gandang Tambua adolah pangiriang dari pamainan Gandang Tasa hinggo manghasilkan irama yang saliang barhubungan.

Dalam budaya Minangkabau alat musik Gandang Tambua ko dimainkan dalam acara pantiang nagari. Sarupo acara baralek gadang, alek nagari, batagak panghulu, dan sabagainyo.

Kacintoan masyarakat Minangkabau pado alat musik tradisional dan kesenian leluhur ko mereka wariskan kapado anak nagari sajak usia dini. Indak heran banyak nan basobok pamain Gandang Tambua adolah anak-anak usia mudo yang mampunyoi samangaik nan tinggi untuak kesenian leluhurnyo.

*Mahasiswa Sastra Minangkabau Unand