Mami..." itemprop="description"> Mami..." /> Mami..." itemprop="headline" /> Mami..." /> MAMINTEH KA ULU, MANGAJA KA BALAKANG

HOME LANGKAN CARITO


  • Jumat, 13 Maret 2020
Maminteh ka ulu, mangaja ka balakang
Carito

Maminteh ka ulu, mangaja ka balakang

Oleh Dea Agustin*

 

            Tangah hari tagak, tadanga urang mamakak-makak dari paga sabaliak rumah. Ruponyo dari rumah Pak RT  sadang rami-rami urang kampuang sambia mangarumunan ciek urang amak-amak. Amak-amak nan dikarumunan tu kironyo urang kampuang tu juo, inyo maliang nan mancilok ayam urang sabalah rumahnyo. Amak-amak tu tatangkok sadang maambiak ayam tatanggonyo tu langsuang diarak karumah Pak RT. Urang-urang kampuang nan macaliak jo mandanga kajadian tu langsuang emosi mancaliak amak-amak nan mancilok ayam tu.

              Kalua lah Pak RT dari rumahnyo nan sadang makan jo tangan nan masih basah sudah babasuah, “ado apo ribuik-ribuik ka rumah ambo ko? Apo masalah nan tajadi ko dunsanak sadoalahnyo?” kato Pak RT jo rawik muko nan takajuik jo heran. “iko ado pancilok pak, mancilok ayam punyo urang sabalah rumahnyo surang Pak RT. Awak baok sajo nyo langsuang ka kantua polisi Pak RT?” kato ciek warga nan sato maarak amak-amak tu. “baok amak tu duduak disiko dulu, wak tanyo elok-elok jan awak hakimi dulu amak tu ” kato Pak RT. Duduaklah amak tu di kursi rumah  Pak RT. “sia namo amak, baa amak mancilok ayam urang?” tanyo Pak RT. “namo ambo Siti Pak Rt, ambo sabananyo indak nio pulo macilok do Pak RT. Laki ambo alah sabulan indak pulang-pulang, amak ambo dirumah ketek-ketek kalaparan Pak RT” jawek amak nantun sambia taisak manangih.

“ kan alah awak danga samo-samo pangakuan dari Amak Siti ko, awak aruih manggunoan mamangan maminteh ka ulu, mangaja ka balakang. Mamangan ko maajaan awak taruih bapikia dalam karangko sabek akibek. Kalau ado nan ndak batua atau ado masalah tu aruih wak pikiaan jo cari tau dulu apo panyabeknyo, baa kok bisa sarupo itu. Mamangan  maminteh ka ulu, mangaja ka balakang maajaan awak pulo supayo barusaho manyalasaian masalah sacaro arif jo bijaksana. Kini dalam masalah ko, baa Amak Siti ko nyo mancilok ayam tadi alah disampaian alasannyo. Apokah tatangganyo tau susahnyo amak ko? Baa indak diparatian dek awak basamo padahal urang kampuang awak juo. Indak Amak Siti ko sajo yang salah, awak sabagai jurang-urang yang dakek rumah jo inyo juo salah sabek awak indak mamparatian jo manolong urang yang sadang mambutuahan patolongan dari awak. Amak Siti pun indak buliah pulo bisuak maaambiak barang nan indak punyo awak tu”. Panjalehan Pak RT.

“maafan ambo yo Mak Siti, ambo tatanggo nan indak paduli samo urang di dakek ambo” kato urang nan punyo ayam. “maafan pulo ambo Mak Siti” sorak urang-urang nan alah maarak amak. ”ambo ikhlas ayam ambo untuak amak, ambo ado pulo nasi jo samba balabiah dirumah beko ambo baokan karumah amak” sambuang urang nan punyuo ayam. “tarimo kasih banyak yo nak, tarimo kasih banyak Pak RT” kato amak Siti.

              “kini ko mari awak samo-samo saliang bamaafan, sarato untuak salanjuiknyo awak basamo kalau ado suatu masalah indak capek maambiak kaputusan yang salah. Awak pikiaan apo sabek akibeknyo dulu” kato Pak RT. “jadih Pak RT” sorak urang-urang nan disitu. Sudah tu , bubarlah urang nan rami-rami, jo Amak Siti nan mancilok ayam banyak dapek sumbangan dari urang kampuang.

 

*Mahasiswa Jurusan Sastra Minangkabau Universitas Andalas


Wartawan : Dea Agustin
Editor : bahren

Tag :# Langkan # curito #minang  

SASAMPIK-SAMPIK BALAI ANAK RAJO LALU JUO
MADA
Maminteh ka ulu, mangaja ka balakang
PITUAH KUCIANG II
PITUAH KUCIANG I
LABUAH SAMPIK
PADUSI ALANG-ALANG
TUO ADAIK
PADUSI LAWAH-LAWAH