- Minggu, 2 Februari 2025
Keunikan Struktur Rumah Gadang

Keunikan Struktur Rumah Gadang
Oleh: Andika Putra Wardana
Rumah Gadang marupokan rumah adaik masyarakaik Minangkabau nan punyo bantuak unik Jo punyo banyak nilai budayo di dalamnyo. Ciri kaih nan paliang mencoloak iolah atoknyo nan malangkuang kayak tanduak kabau, nan disabuik gonjoang. Bantuak Iko bukan sakadar estetika, tapi juo punyo nilai simbolis di dalamnyo. " Gonjoang mancaminan samangaik juang masyarakaik Minangkabau nan kuek jo pantang manyarah," kecek firman, salah satu peneliti budaya Minangkabau.
Salain bantuak atoknyo nan khas, struktur Rumah Gadang juo dirancang samo sistem rumah pangguang. Tiang-tiang panyangga rumah Iko indak ditanam ka tanah doh, malainkan batumpua pado batu data nan disabuik"sandi". Desainnyo maagiah unsur fleksibilitas Jo katahanan tahadok gampo, maingek Sumatera Barat marupokan daerah nan rawan gampo. "Struktur takah ko mamungkinkan rumah bagoyang katiko gampo supayo indak mudah rubuah ," kecek arsitek tradisional, Budi Santoso.
Bahan bangunan Rumah Gadang sabagian gadang barasa dari alam sakita. Kayu digunoan untuak dindiang jo tiang, samantaro atoknyo tabuek dari ijuak atau rumbia. Panggunoan bahan alami kayak Iko manunjuakan kaarifan lokal dalam mamanfaikkan sumber dayo nan tasadio tapi indak marusak kaseimbangan lingkuangan.
Sacaro detail, Rumah Gadang punyo pambagian ruang nan jaleh. Bagian mungkonyo digunoan untuak manarimo tamu Jo partamuan adaik, samantaro bagian tangahnyo bafungsi sabagai tampek lalok. Bagian balakang biasonnyo dijadian dapua atau ruang panyimpanan. Pambagian kayak Iko mancaminan nilai sosial jo adaik Minangkabau, nan dimano padusi mamacik paranan pantiang didalam rumah tanggo.
Kaunikan lainnyo dari Rumah Gadang iolah ukiran-ukiran nan manghiasi dindiangnyo. Motif-motif ukirannyo tarinsprirasi dari flora, fauna, Jo elemen geometris, nan bukan hanyo manambah kaindahan tatapii juo punyo arati didalamnyo. "Satiok ukiran pado Rumah Gadang punyo arti, kayak motif kaluak paku nan malambangkan harapan dan kabijaksanoan," kecek seniman ukia Minangkabau, Rizal Marajo.
Rumah Gadang bukan hanyo sakadar tampek tingga, tapi jugo punyo simbol budayo jo identitaih masyarakaik Minangkabau. Dek desain nan mampartimbangkan lingkuangan, fungsi sosial, jo nilai budayo, rumah adaikko manjadi salah satu warisan arsitektur nan patuik untuak dilestarian.
Editor : melatisan
Tag :#Budaya #Minangkabau
Baca Juga Informasi Terbaru MinangSatu di Google News
Ingin Mendapatkan Update Berita Terkini, Ayu Bergabung di Channel Minangsatu.com
-
KAMANAKAN SAPARUIK DALAM ADAT MINANGKABAU
-
SAKO JO PUSAKO: BANANG MERAH YANG MANJAHIT IDENTITAS KAUM MINANGKABAU
-
KAMANAKAN DI BAWAH DAGU: PANARUIH ADAIK JO PAWARIH GALA DALAM MASYARAKAIK MINANGKABAU
-
PERAN ADAT DALAM PENDIDIKAN KARAKTER ANAK MINANG
-
TARIAN ANAK NAGARI: EKSPRESI SENI BUDAYA MINANGKABAU
-
IN MEMORIAM DR.H.M.RAFLES, M.SI GURU BERKHARISMA TINGGI ITU TELAH TIADA
-
PCNO, PENGABDIAN DAN KISRUH ORGANISASI
-
MELARANG BERDAGANG BUKU DI SEKOLAH ITU BERAT
-
KOMPLET, SIP PAKE TELOR
-
BERSYUKUR MASIH NOMOR DUA