HOME LANGKAN CARITO

  • Jumat, 15 November 2019
Dek Ulah Nila Nan Satitiak, Usak Susu Sabalango
Carito

Dek Ulah Nila Nan Satitiak, Usak Susu Sabalango

Oleh: Rahma Andri Yadi*

Namo awak biasodipanggiahamaik,waktingga di pasa lalang desa taluak kota piaman. Jadi iko caghito maso dulu awak samo kawan-kawan awak nan samo sakalaih di sede 06 taluak kota piaman. Cito iko iyolah kanangan awak samo kawan-kawan yang kini alah bapisah dek alah mamiliah jalan iduik soghang-soghang.

           Wakatu awak sikola SeDe, awak punyo kawan dakek balimo ughang, patamo namo e si bujang, si adi, si tio, si pan, tu Si Pupuang. Nan balimo ko, wee punyo sipaik jo klakuan yang babeda-beda ciek sughang. Dek lah lamo bakawan tantulah tau sipaik wee ciek soghang. Si bujang punyo sipaik bangkang jo kagheah kapalo atau samo jo keceak ughang tuo-tuo dulu tu “ nan di wee je nan badanga nyeah”. Si adi punyo sipaik nan eloak, indak jahek, tu wee ko ughang nan paliang banyak pitih kalau di umah sikola. Si tio sipaik e panangih, soak bagak,tapi wee eloak, jo suko manoloangan kawan-kawan kalau sadang payah. Si pan punyo sipaik nan nyinyiah, muncuang e asa ka malantoang je nyeah, bangkang steak, badan keteak tapi ongeah jo gigiah kaghajo. Si Pupuang, ikolah ughang nan punyo sipaik pambingik, busuak ati, indak ajan mancaliak ughang sanang, tapi wee eloak kalau ado kandak e, siap tu wee sabana e panoloang lo nyeah. Kalau sipaik awak soghang keceak kawan-kawan, awak eloak, palawak, tu suko manoloangan kawan, tapi awak agak pambangkang lo steak tu awak suko manggaduah kawan kalau sadang baghaja di sikola.

Jadi, wakatutu awak samo kawan-kawan di sikola tu kalaih anam sede, maso itu awak ka manampuah ujian nasional. Jadi satu kutiko awak basamo kawan-kawan tu dapeak kaba daghi Si Pupuang maso ibuk indak tibo dek ulah anaknyo masuak umah sakik. Tu dek mandanga kaba takah tu, awak jo kawan-kawan pai ka pasiah, ghupo e Si Pupuang indak amuah pai doah dek wee sadang sakik pauik,jadi wee tingga di kalaih. Kalau ibuk tibo keceak e ka di agiah tau e awak nan pai ko. Jadi pailah awak basamo ka pasiah untuak mancaliak ughang kalauik nan alah manapi mambaok payang e, jadi awak toloangan ughang tu mambongka lauak nan ditangkoak e, siap tu awak basamo dapeak pitih jo lauak di agiah dek apak-apak tu. Wakatu sede tu pitih moibu alah aso pitih mopuluah kini, jadi dek alah dapek pitih, sananglah ati awak basamo.

      Siap tu pai babaliak ka lokal baliak jo badan nan alah basah kuyuik dek ayiah lauik. Ghupo e di dalam lokal ado ibuk nan sadang maaja, jadi mangeceaklah si tio ko " tapi ibuk indak masuak kini doh, baa kok kini masuak e? " di jaweaklah dek si ipan " sia nan maagiah tau kaba tu tadi? " di jaweak e lo dek si adi " iko pasti ulah Si Pupuang, tu mangko e indak amuah wee pai jo awak doh, jalaih wee tu satiok awak pai pasti wee manughuik, bia indak di ajak gai wee pai taghuih " jadi dek alah lamo bakacilamuak di lua lokal, awak bahe mancibo masuak ka lokal. Ghupo e ibuk meha mncaliak awak basamo basah kuyuik, sampai awak basamo di usiah e dek ibuk untuak pulang. Sabalun pulang awak di sughuah mambuek sugheak pajanjian, kalau awak maulang baliak, awak basamo indak dibuliah ikuik ujian nasional. Badampuanglah daghah awak basamo, sampai akhianyo awak mambuek sugheak pajanjian tu. Tapi awak basamo indak amuah pulang, malahan lanjuik pai ka pasiah, dek tadi pai sabanta dapeak pitih.

    Jam pulang sikola alah babunyi, awak basamo pai manughuik Si Pupuang untuak mananyoan masalah tadi. Ghupo e Si Pupuang galak-galak mancaliak awak basamo tadi kanai usiah jo buek sugheak pajanjian tadi. Si bujang langsuang paneah ati e, dikandaak an e Si Pupuang tu bacakak, tapi di tahan e dek si adi. Tu awak dek kanai lo, tapaso meha-meha sambiah maegangan taih Si Pupuang sampai wee tajatuah. Si Pupuang ko basikagheah lo, sampai bacakaklah awak basamo. Jadi lah samo-samo taluluang dek bacakak, di tangahanlah awak basamo dek si tio nan wee indak sato bacakak tadi. Akhiah e, awak basamo duduak jomanyalasaian masalah kojocaghoeloak-eloak.

              Jadi, pado wakatu baumbuak tu, Si Pupuang manjalaihan maso wee emang singajo mangicuah awak basamo, kaghano awak basamo patang tu, indak ado maajak wee pai mancaghi duyan. Jadi galak kajanglah awak basamo, dek ulah masalah saketeak tu nyeah, Si Pupuang amuah mangicuah awak jo ancaman indak buliah ikuik ujian nasional. Akhia caghito kami basamo saliang mamaafan sampai kini kami basamo taghagak jo momen nan itu.

 

*Mahasiswa Sastra Minangkabau Unand


Wartawan : Rahmad Andri Yadi
Editor : bahren

Tag :# Langkan # curito #minang