HOME LANGKAN CARITO

  • Selasa, 20 Agustus 2019

Sabak Manjalang Sanjo (JT354)

Carito
Carito

Sabak Manjalang Sanjo (JT354)

(Mahasiswa Sastra Minangkabau FIB Unand)

Baramulo, katiko baganti nyo pagi manjalang tangah hari, lah lamo bana mananti jadwal kapatabang nan katibo. Sabalun barangkek mamiliah apo nan ka dibaok untuak kabaka salamo  di Padang.

"Wan, apo lai nan ka di baok? " Amak nyo batanyo.

"Lah cukuik tu Mak, lah siap sado alah e, beko kok kurang Ridwan bali di pasa".

"Oh.. Yo lah Wan, beko jan lupo jago badan tu, awak surang di sinan, jauah dari gaek, jan lupo sumbayang, banyak mamintak ka Allah",  Sambia sakali-sakali maapuih aia mato dek ulah sabak manahan aia mato.

Wakatu lah manunjuak-an lupo 03.40 AM. Ayah jo Ridwan, barangkek dari rumah. Ayah ma anta'an Ridwan hanyo sampai Cikopo (Purwakarta) beko Ridwan surang dari Cikopo ka Bandara. Tantu nyo jo oto bis dari rumah sampai ka bandara.

Lah lamo mananti dari punya 03.40 lah masuak lo ka wakatu sumbayang subuah, sa jam mananti di tapi labuah gadang Ayah jo Ridwan manunggu ndak juo tibo oto bis. Jadi, Ayah jo Ridwan naiak oto angkot ka musajik. Ndak bara lamo manunggu, oto angkot tibo. Ayah jo Ridwan lansuang naiak angkot ka musajik Al-mukhlisin.

Sasudah sumbayang jo bado’a, Ridwan jo Ayah manunggu oto ka Cikopo di mungko musajik.

"Lamo bana yah?", kato Ridwan.

"Saba lah lu",  Jawek  Ayah.

Lah tabik matohari alun juo ado oto nan tibo, ado ciek nan lalu, tapi ndak baranti inyo doh,

?Kancang bana lari otonyo, ndak nampak kito dek Apak tu Yah??

?Tagagah bana Apak tu mah, mangaja setoran iyo pulo bantuek e tu mah Wan?.

Sambia manunggu, dalam sa jam manantian oto, Ridwan takana maso inyo sikola SMA, barangkek pagi-pagi supayo nak jan talambek, apolai ari sanayan nan horor, talambek saketek lah diagiah hukuman antah lari atau mambarasiahan lokal. Itu nan paliang di hindari jo Ridwan. Sabanta mauleh maso SMA raso-raso ka babaliak ka maso itu, banyak bana nan bakasan di dalam hati Ridwan.  Mudah-mudahan kawan-kawan samaso di SMA bisa mandapek-an apo nan diarok jo nan sadang diusahoan atau dikarajoan kini. Kok lai untuang kito bisa basobok di kamudian hari dalam kaadaan nan elok jo sanang, baharok ka  nan satu.

Lah lamo mananti, nan di nanti akhianyo tibo dapek oto bus "Luragung-Sabilla" nan ka maantaan Ridwan jo Ayah ka Cikopo (Purwakarta) salamo sajam labiah kurang lamo di ateh oto.

Dipandangi alam sakuliliang dari dalam oto dek karano badan ka barangkek nak jan lupo kampuang nan den sayangi. Hati manjadi rusuah nan sabana rusuah, antah apolah sababnyo, apo karano badan nak ka pai? Antah wak ndak tau bana mukasuiknyo. Raso rindu lah taraso sabalun jo sasudah naiak oto.

Di dalam oto Luragung tu, ndak bara bana panuahnyo katiko Ridwan naiak, tapi, lamo bakalamoan di dalam oto ko alah mulai panuah. Dari mungko sampai ka balakang, di dalam oto kagiatan ekonomi ko balansuang pulo, contohnyo ado nan manjua baragam makanan (tahu goreang nan alah dibungkuh, nasi Uduak (makanan khas Sunda) dan baragam goreang nan baru) jo minuman (aqua galeh, boto, teh pucuak, jo nan lainnyo) untuak di makan pagi hari. Sahinggo dapek untuak mangganja paruik nan kosong, baragam harago di latakan sahinggo wak bisa mamiliah nan ma katuju. Salain nan manjua makanan, di ateh oto tu ado pulo nan manjua suaro nan baragam dari nan ketek sampai nan tuo manunjuakkan suaro nan ancak-ancak. Jo iko mambuek nilai tambah rindu nan ka dihadang beko. Tapi, pagi tu ndak ado nan manunjuakan suaro di ateh oto sabab ari masih pagi juo baru lai, kok lah siang pasti rami nan manunjuakan suaro di ateh oto.

?Alun barangkek lah mulai taraso rindu nan ka di hadang?, gumam Ridwan, mulai maambiak angok panjang.

?Bismillah, semoga di lancarkan sagalonyo?. Batambah gumam Ridwan.

 

Wakatu itu, Ridwan hanyo marasoan rindu nan mulai tibo padahalnyo baru bara jam bana barangkek dari rumah. Raso sayang jo rindu bakeh rumah, Ridwan mancubo untuak manahannyo supayo beko dapek baraja nan fokus salamo manjalani maso kuliah nantun.

 

Alah sa jam kurang labiah di ateh oto manuju Purwakarta, Ridwan jo Ayah turun dari oto “sabila” sambia manunggu oto Damri tujuan ka bandara di sinan. kutiko manunggu Ayah jo Ridwan mambali aia angek, sabab hari wakatu itu cukuik dingin mancucuik ka tulang jo ari masih pagi sahinggo itu nan mambuek dingin. Kutiko sadang manunggu itu, ado surang supir oto pribadi mananyoan ka barapo urang nan akan manuju bandara tamasuak manawarkan ka  Ayah namun Ayah manulak tawaran tu karano, manuruik Ayah ndak usah tagageh bana  jam tabang Ridwan pun masih lamo bana. Jadi, kato Ayah talabiah ancak  manantian oto bis sabab harago ?e ndak maha bana jo otonyo lumayan capek tibo di bandara. Indak hanyo itu, harago nan ditawarkan jo pak supir tu sabana maha, sehinggo Ayah manulak, walaupun beko haragonyo murah Ayah manulak juo. Nan talabiah pantiang Iyolah kasalamatan jo kanyamanan di ateh oto, lain daripado hal itu kok oto bus ko labiah tapicayo sabab inyo kan oto umum nan dipakai jo masyarakat banyak. Jadi, itu alasan Ayah manulak naiak oto pribadi sahinggo mamakai fasilitas nan alah disadiokan oleh pihak otobus satampek nan bakontribusi malayani panompang dari jo ka Bandara Soekarno-Hatta (CGK).

 

Sadang lamak makan jo minum, lah lamo Ridwan jo Ayah mananti oto bus Damri tujuan ka bandara nan dinanti pun alah tibo di Purwakarta, tapi, damri tu ndak ado toilet di dalam biasonyo Damri nan ka bandara tu ado toilet di dalamnyo. Harago tiket sakali barangkek tu Rp.65.000 sampai di bandara jo lamo diateh oto tagantuang di jalan macet atau indaknyo, wakatu nan dimakan iyolah sakitar sajam labiah tigo puluah minik.

 

Oto tibo Ridwan pun naiak ka ateh oto.

“Yah, Ridwan pai dulu”. Kecek Ridwan ka Ayah sambia basalam.

 

Ayah antok sambia maagiah pitih ongkos oto, Ridwan naiak. Sahinggo Ayah lupo maagiah aia minum kopi angek kuku ka Ridwan, sabab oto tu lansuang barangkek katiko. Jadi, Ridwan hanyo mambaok aia minum nan lain.

 

Di dalam oto, ndak bara bana panuah panompang di dalamnyo hanyo satangah dari badan oto nan panjang tu. Ridwan mancaliak dima tampek duduak nan indak barisi, inyo caliak urang lain tu, ado nan sadang manelpon pakai headset, ado nan maota sabangku tu, ado nan lah lalok, lah sampai di bagian tangah ndak ado juo tampek nan kosong, sahinggo sampailah Ridwan duduak di barih nan paliang lakang dakek jo jandela sabalah suok dari muko, sabab Ridwan paliang suko duduak di sinan. Alah dapek tampek duduak Ridwan lansuang mangaluakan hape jo headsetnyo supayo ndak ado raso bosan jo saraso ado nan mangawani sahinggo ndak taraso langang.

 

Katiko oto lah di tol Cikarang Ridwan sadang lamak mandangaan lagu, ndak bara lamo tu dapek telpon dari Eloknyo,

 

?Assalamualaikum..?

?Wa?alaikum salam, lok?

?Kan ndak sadang manangihkan Wan??

?Alhamdulillah alum lai lok, tapi kok dapek ijan lah ?

?(sambia galak) biasonyo kan manangih kok lah ka barangkek tu?

?Ndak lok, Ridwan basaba se dulu lok, InshaAllah beko ka pulang juo?

?Tu iyo tu, yolah, elok-elok di jalan, jan manangih dih? tadanga agak Manahan tangih.

?Iyo, lok, tarimo kasih banyak, mudah-mudahan banyak galeh tajua kini?.

?Iyo,, aamiin ya allah ya rabbal ?alamin, lah dulu yo Wan, assalamualaikum..?.

?Iyo lok, waalaikum salam?.

 

Katiko lah siap manyudahi telpon Ridwan lansuang takah urang nan Manahan tangih, ndak bisa tatahankan lansuang jatuah aia mato tu, sasudah mandapek telpon ndak takao Manahan aia mato sahinggo jatuahlah aia mato tu, karano mandanga kecek Elok katiko manelpon tadi ditambah jo mandanga lagu nan mangawani. Jadi, manambah raso sadiah, lah dipandangi ka lua jandela, lah dicubo untuak baranti manangih tapi alun bisa juo baranti. Lamo bakalamoan tangih tu lai marado, lah manarewang pangana sadang manangih tu, mambuek Ridwan maraso ndak bisa barangkek tapi, baa kabaa InshaAllah pasti beko dapek pangganti nan labiah rancak ka mungkonyo. Gumam Ridwan dalam hati.

 

Indak taraso wakatu nan lah ditampuah jo oto, Alhamdulillah ndak bara bana macet nan tajadi, padat merayap kecek urang. Salamo sajam kurang labiah diateh oto, akhia nyo sampai juo di Bandara Internasional Soekarno-Hatta (CGK) baragam raso lah dirasoi salamo di ateh oto.

 

Ridwan maharok nak jan sampai sadiah bana, basaba jo sarahkan ka nan satu, Ridwan manyumangek-I diri surang, supayo nak jan talampau basadiah bana itu nan dikarajoan Ridwan, sabisa mungkin Ridwan maagiah sumangek ka  diri surang untuang kok nanti bia lakeh cegak sakik di hati, baganti ka nan elok jo sasuai ridha Allah.

 

Oto bis nyo nan partamo baranti di Terminal 3 Ultimate nan ado maskapai Garuda Indonesia (tujuan internasional & tujuan domestik), Saudi Arabian Airlines, Korean Air, Xiamen Airlines, Vietnam Airlines, China Southern Airlines, China Airlines,  AirAsia jo Indonesia AirAsia. Karano banyak nan turun di terminal 3 Ultimate jadi maantaan urang nan jadwal barangkeknyo capek, sabab beko talambek ndak ado toleransi nan diagiah dek pihak maskapai tu. Katiko pak sopir sibuk maantaan panompang di terminal 3 Ultimate, Ridwan lah sibuk pulo maatua parasaan supayo nak jan sadiah bana jo manikmati suasana di Cengkareng sabalun ka pai, manyimpan satiok kanangan di dalam lubuak hati, supayo beko dapek dikana bia bisa mangana kanangan tu hanyo manaruah pintak kapado Allah ?.

Sasudah itu, baru baliak ka terminal 1 malanjuikkan manta panompang, Ridwan turun di terminal 1B untuak maskapai Lion Air (Tujuan Bali, Lombok, Sumatera) jo Xpress Air.

Ari baru manunjuakan pukua satangah sambilan pagi, jadwal barangkek ridwan 13.10 WIB. Dalam wakatu manunggu nan lamo tu, Ridwan duduak dikursi mungko nan manggaleh makanan jo minuman. Bandara rami takah biasonyo tapi, kini batambah rami sabab banyak atlet nan dari lua nagari untuak asian games jo nuansa bandara banyak gambar-gambar mandukuang acara asian games euforia taraso bana.

 

?Buliah ndak yo, mintak bafoto ciek jo atlet tu, sabab bilo juo baru lai bisa dapek foto basamo atlet?, gumam Ridwan.

 

Drtt.. drt.. drt.. mancaliak hp, amak manelpon kecek ridwan.

 

?Hallo,, assalamu?alaikum Mak?,

?Wa?alaikum salam, ?

?Lah tibo di bandara Wan??

?Alhamdulillah alah Mak?

“Lai ndak manangih lo di jalan tadi?”

?Iyo Mak?

?Alah tu mah jan manangih juo, banyak-banyak basaba dulu, fokus baraja jo bado?a sarahkan ka nan kuaso, InshaAllah baganti jo nan elok”

?Iyo Mak, Bismillah.. Ayah lah tibo  di rumah Mak? Oh..iyo Mak, Dede lah jago Mak?”

?Indak, Ayah pai balanjo dulu, Amak di kadai, Dede lah barangkek sikola tadi, sasudah maantaan Amak ka kadai?, ?lah makan Wan??

?Oh.. iyo mak, alun Mak?

?Makan lah lai, makanan nan dibaok tadi atau ndak bali apo nan nio di makan disinan. Jan batahan-tahan paruik tu?.

?Iyo amakku sayangg, beko wan bali, tadi wan lah mambali minuman mocha angek, maha bana disiko mak Rp. 18000, di rumah 5 ribu nyo?

?Tu iyo wan, disinan maha, tapi ndak baa untuak maangek-an badan sabab dingin nyo harii batambah tadi naiak oto?.

?Iyo Mak,, Mak tadi Ridwan dapek kaba dari LionAir melalui sms, kecek e jadwal nyo bapindahan ka jam 15.25”

?Yo lah Wan, ado nan balanjo, beko makan-makanan tu dih wan, jan batahan-tahan paruik, sabab lamo jadwal barangkek nyo,, baa kok bisa bapindahan jadwalnyo tu?”

?Iyo Mak,, nampaknyo urang nyo saketek nan di jam 13.10 tu Mak, jadi bapindahan jadwal e?

?Oh.. yo lah tu Wan, saba mananti dulu, jan lupo sumbayang beko sabab jadwalnyo lamo?

?Adihh.. Mak,, yo lah Mak,, sumangek mancari pitih Mak,?

?Iyo Wan, Ridwan pulo jan lupo sumangek taruih Amak jo Ayah hanyo bisa mando?akan sajo disiko?

?Iyo Mak, doakan taruih yo Mak?

?Iyo, Wan, beko kok lah sampai di kampuang jan lupo telpon dihh?

?Oke Makk,, siapp,, assalamu?alaikum?

?wa?alaikumsalam?

 

Sasudah manelpon jo Amak, Ridwan malanjuikkan makan jo minum nan tadi. Lah siap makan jo minum, lansuang bamainan HP tu,  ndak taraso duduak jo bamain hp ari lah ka masuak sumbayang luhua. Ridwan lansuang masuak ka dalam bandara untuak Check-in jo mamasuak-an barang ka dalam bagasi pesawaik, tapi malalui pamaresoan dek pihak Bandara, di cek tiket awak. Salamo ka tampek Check-in, Ridwan batamu jo apak nan ka batanyo,

 

?Dek, kalo mau Check-in di Lion tujuan ke Bali itu, di bagian mana? ? kecek apak tu

? dari tempat Check-in no. 8-23 pak, yang ada gambar Logo Lion Air aja pak, disana dia bakal melayani seluruh rute penerbangan yang bertujuan ke Bali, Lombok dan Sumatera pak?, jawek Ridwan.

?Oh.. begitu, bapak kurang hapal, soalnya ini pertama kali nya bapak naik pesawat ke Bali,  nanti sama ya dek Check-in nya?.

?Oh.. baik pak kalau begitu?.

 

Sasudah mamproses Check-in

 

?Oh.. iya, bapak mau ke teman bapak dulu, dia ada di luar bandara, bapak harus gimana?”

?Kalo begitu saya kurang tau juga pak, lebih baik Tanya ke pak satpam yang disana aja pak. Mari, saya antar pak?

?Oh.. iya dek, kamu duluan aja bapak Cuma sebentar ke luarnya?

?oke pak?.

 

Sasudah tu, Ridwan jo Apak tadi bapisah. Balanjuikkan mancari tampek sumbayang. Sasudah basarahan sagalo nyo kapado nan satu, Ridwan lansuang naiak ka ateh (bagian ruang tunggu). Pesawat Lion nan ka sumatera dari tiket Ridwan barado di B2. Ridwan pun lansuang masuak ka ruang tunggu sasudah malalui bara pamaresoan pihak kaamanan di Bandara tu. Ridwan mancari tampek duduak nan nyaman. Sasudah duduak, katiko mancaliak hp batere lah tingga saketek, ridwan mancari tampek duduak nan ado tampek cas hp nyo, lalu, lansuang dapek tampek duduak tu.

 

?Kak permisi, numpang duduk, disini? kecek Ridwan

?Oh,, iya, silahkan?, kecek kakak tu, sambia mamindahan tas nyo, nan sabalunnyo ado di sabalah inyo.

Katiko sadang duduak bamain hp, amak manelpon mananyoan kaba

?Hallo,, assalamualaikum,, makk?, Ridwan mandului jawek amaknyo

?iyo,, wa?alaikumsalam.. baa lah masuak ka dalam ruang tunggu??

?Alhamdulillah,, alah kok alah siap, lah siap makan?”

?alah tadi, beko sambuang kok lah sampai di Padang?

 

Lalu, Ridwan manelpon salamo 16 Minik. Ari lah jam 11.50 WIB. Tingga sa jam lai mananti wakatu tabang. Salamo wakatu mananti tu, Ridwan mulai maota jo akak nan disabalahnyo,

 

 ?Siapa namanya kak??

?Saya Sari?, kecek akak tu.

?Oh.. sari, saya Ridwan kak?, ?dari mana, mau kemana kak??

?dari Semarang, mau ke Padang Wan?,

?kuliah kak??, ?terbang jam berapa kak??

?Iyah?, ?Kalo Ridwan sendiri??, ?kak, terbang jam 13.25, kalo Wan sendiri??

?Iyah kak, sama, Wan juga kuliah?, ?Wan, terbang jam segitu juga kak, tapi, udah dapat info kak? Kalo Lion jam segitu diubah jadwalnya ke jam 15.25?

?oh.. begitu rupanya, kak, ngga dapat kabar tuh Wan, terima kasih info nya ya Wan, untung di kasih tau, kalo ngga, nanti ga ketahuan terbangnya kapan?, ?dapat kabar dari siapa Wan??

?iyah kak, sama-sama, Wan, dapat kabar dari pihak Lion-nya kak, sekitar jam Sembilan pagi tadi?,

?oh..begitu rupanya, lah,, kenapa diubah jadwalnya ya Wan??

?mungkin, penumpang yang terbang jam 13.25 sedikit kali kak.. jadinya di pindahin ke jam 15.25?, ucap Ridwan sambil ketawa kecil

?Bisa jadi tuh wan, sekali lagi, terima kasih yah, infonya?,

?iyah kak, sama-sama?.

 

Singkek carito, sasudah maota lamak tu, ndak taraso wakatu bajalan taruih nan di nanti lah mulai katibo. Ridwan jo Sari lah mulai bakameh, sabab wakatu ka barangkek ka tibo,

 

Drt..drt..drt.. Amak manelpon,

 

?Assalamu?alaikum,, iyo,, hallo Mak, ado apo??,

?wa?alaikumsalam.. lah kabarangkek lai Wan??

?Alah mak, iko sadang bakameh untuak masuak ka kabin lai”, ?Beko kok lah tibo di Padang, Wan, agiah kaba ka Amak beko?.

?Oh.. iyo lah Wan, elok-elok dih,, jan tagageh bana beko ka kabin nyo, biaso-biaso je lah?,

?Oke mak,, yo lah Mak, Assalamu?alaikum..?

?Wa?alaikumsalam?.

 

Sasudah di dalam kabin pesawaik tu, wakatu manunjuak-an pukua 15.40 pesawaik Lion Air (JT354) agak delay saketek, panompang di dalam lah maheboh sadonyo. Ridwan hanyo diam mancaliak nan lain, ?emangnyo murah manabangan pesawaik ko? Sadoalah nyo lah ado procedure nan alah ditantuan dek pihak maskapai, basaba je lah lu?, gumam dalam hati.

 

Sasudah manjalani baragam proses tadi dari, mamasuak-an barang ka bagasi, mamareso masin sampai maisi bahan bakar pesawaik ko, lah dinyatoan siap tabang, pesawaik ndak bisa bajalan mundur mangkonyo pesawaik di Pushback sampai manuju taxi-way taruih sampai ka landasan pacu, baru pesawaik bisa mamulai tabang. Salamo pesawaik basiap-basiap untuak mamulai tabang, dari Pushback tadi, raso ndak tatahankan rasonyo, lah ka barangkek ka Padang, raso rindu nan dari awal taraso puncaknyo katiko pesawaik ka mulai tabang.

 

Ridwan mulai mancubo Manahan-nahan raso itu, sampai katiko lah pesawaik mulai ka take-off ndak taraso sabak nan tadi lah bacubo untuak di tahan sampai ndak tatahankan, tapi, ndak bajadi bana, sabab pesawaik panuah panompang, Ridwan hanyo bisa Manahan sajo, takana dek Ridwan maso ketek, Ayah acok bana maaja untuak basaba katiko sadang manantian Ayah rapek jo kawan Ayah tapi nan dek awak ko nan mada bana, ndak amuah baraja basaba, lah diumbuak dek Amak mulai lah agak lunak parasaan, mancubo untuak labiah tanang jo basaba nan diajaan Ayah jo Amak. Kini Ridwan alah mangarati ba?a Ayah jo Amak maaja untuak basaba jo labiah tanang dalam manjalani kahidupan ko, antah sakik Manahan rindu, antah raso taragak ka Ayah jo Amak. Konteks nan diajaan dek Ayah jo Amak babeda, namun intinyo samo untuak mambiasoan basaba jo labiah basarah diri kabakeh Allah untuang kok isuak dapek kaganti ka nan labiah rancak jo beko bisa basuo Amak, Ayah, Adiak jo nan lain di sinan. Salam Rindu,, Ayah.. Amak.. Adiak.


Wartawan : Muhammad Nur Islamadina
Editor : Bahren

Tag :# Langkan # curito #minang

Baca Juga Informasi Terbaru MinangSatu di Google News

Ingin Mendapatkan Update Berita Terkini, Ayu Bergabung di Channel Minangsatu.com