HOME OPINI PANTUN

  • Selasa, 31 Maret 2020
Pantun di Rumah Sajo #01
Pantun

Di teras mukoadoh mangga

Di lakang rumah batanam lado

Kalau ndak nio kanai korona

Jan lupo di rumah sajo

 

Ka ladang pagi ari

Paluah kalua kaniang mangkilek

Sabana kreatif anak kini

Bapoto saratuih, nan diambiak ciek

 

Nio hati ka pulau

Tapi pandayuang lah patah pulo

Nio hati pai ka lapau

Dek corona, niek lah ilang pulo

 

Kalua di siang hari ko

Pulang pulang hari lah sanjo

Yo sabana korona kini ko

Kalua ndak buliah yo dirumah sajo

 

Jikok manulis pakai pena

 Jikok maaapuih pakai tiim ek

  Kuliah dirumah dek korona

  Kecek e sanang kiro e panek

 

Muthia Azizah Malsi

Mahasiswa Sastra Minangkabau FIB Unand

 

 

 

 


Tag :Langkan#Pantun#di Rumah Sajo