Negeri Tertua Di Minangkabau: Nagari Pariangan, Jejak Sejarah Dan Budaya Yang Abadi

Negeri Tertua di Minangkabau: Nagari Pariangan, Jejak Sejarah dan Budaya yang Abadi

Oleh: Andika Putra Wardana

Minangkabau marupokan sabuah wilayah di Sumatera Barat nan dikenal dengan kakayaan budayo jo sajarahnyo nan mandalam. Di antaro banyak nagari nan tasebar di Minangkabau, nagari Pariangan di Kabupaten Tanah Datar dianggap sabagai nan tatuo jo manjadi cikal bakal paradaban di Minangkabau. Nagari Iko indak hanyo manyimpan carito-carito masa lalu, tatapi juo manjadi simbol kabanggaan masyarakaik Minangkabau.

Saperti nan diungkapan dek Budayawan Minangkabau, A.A. Navis, dalam bukunyo Alam Takambang Jadi Guru, "Nagari Pariangan adolah nagari nan manjadi awal mulo tabantuaknyo sistem adaik jo budayo Minangkabau. Di Siko, nilai-nilai kaarifan lokal jo prinsip hiduik bamasyarakaik mulai tumbuah jo bakambang."

Nagari Pariangan dipicayo sabagai tampek bamulonyo sistem matrilineal, di mano garih katurunan diturunkan dari pihak ibu. Sistem iko manjadi ciri khas masyarakaik Minangkabau jo masih dipartahankan sampai kini. Manuruik Datuak Rajo Mudo, saurang tokoah adaik Minangkabau, "Nagari Pariangan adolah pusaik pambalajaran adaik jo budayo. Di siko, ganerasi mudo diajarkan tantang pantiangnyo manghormati adaik jo manjago warisan laluhua"

Nagari iko juo dikenal dangan arsitektur tradisionalnyo, kayak Rumah Gadang dangan atok bagonjoang nan manjadi ikon Minangkabau. Salain itu, tadapek paninggalan sajarah kayak Balai Adaik, Musajik Tatuo, jo Makam Datuak Bandaro Kayo, nan manjadi bukti kajayaan Nagari Pariangan di maso lalu.

Nagari Pariangan juo manjadi tampek lahianyo barbagai tradisi jo kasenian Minangkabau, kayak Randai jo Silek Minangkabau . Tapi, saparti halnyo parmainan tradisional, nagari iko juo maadokan banyak tantangan di era modern kini ko. Datuak Rajo Mudo mangatokan kakhawatirannyo, "Jikok indak ado upayo untuak malestarikan adaik jo budayo, kito bisa kahilangan identitaih sabagai urang Minangkabau."

Dangan malestarikan nilai-nilai adaik jo budayo, Nagari Pariangan akan taruih manjadi sumber inspirasi jo kabanggaan untuak ganerasi mandatang. Sabab, saparti kato papatah Minang, "Dimano bumi dipijak, di situ langik dijunjuang." Di Nagari Pariangan ikolah langik Minangkabau patamo kali dijunjuang.