Asok Jo Bunyi Latuih - Latuih

Kadang wak tagaduah di jalan dek ado baralek. Jalan nyo tutuik tanpa pemberitahuan di pangka jalan. Tau2 lah tasorong kendaraan, baru nampak tulisan, "Maaf Ada Pesta." Atau ado pulo nan ndak pakai tulisan2., langsuang se basusun kayu mahambek jalan awak. Tapaso banyak2 istighfar kok basuo nan co iko.

Tapi nan minggu kini sakali duo urang baralek di kompleks. Ciek di pangka jalan masuak kompleks, ciek lai di ujuang jalan. Walaupun duo alek nan mautuik jalan, sakali ko awak ndak mangucap istighfar lai, tapi basyukur alhamdulillah. 

Jalan wak takapuang ka muko ndak bisa, ka balakang tasakek dek tenda2 gadang. Tatap wak ucapkan alhamdulillah, lapang raso hati. Baa mangko basyukur..?

Dek karano alek di pangka jo di ujuang tu lah kini, awak dapek raso tingga di kompleks. Tanang, udaro barasiah, talingo ndak panuah dek bunyi knalpot co suaro petasan batubi-tubi. 

Agak 3 hari ko, alhamdulillah, agar tanang wak. Ndak ado lai sepeda motor lalulang sapanjang hari, oto nan ngebut2. Bukan ndak suko kendaraan rami, tapi urang lalu ko mambao ancaman dek ngebut2, tambah lo asok jo bunyi latuih2 knalpot nan dipotong.

Nan sakali ko, ambo batarimokasih ka tetangga kompleks nan baralek, semoga lancar dan jadi keluarga samawa (sakinah, mawaddawah, warrahmah).

Wassalam.
Cisor.