HOME LANGKAN PANTUN

  • Senin, 6 April 2020
PANTUN DI RUMAH SAJO #02
Pantun

 

PANTUN DI RUMAH SAJO #02

OLEH: Sintya Yunia Zalti*

 

     Pai ka lauik di hari sanjo

Pai baduo jo urang tacinto

Untuak kini di rumah sajo

Supayo tainda virus bahayo

 

Baranang yo nan di lauik dalam

Mandaki yo nan di gunuang tinggi

Samantaro rindu hanyo bisa di pandam

Dek kito saliang takunci di bumi pertiwi

 

Ulah sibuk mancari kayo di bumi

Sampai lupo akhiraik mananti

Kini hanyo sambunyi badiam diri

Dek ulah corona manguasoi bumi

 

Pai ka Padang pakai kareta api

Pai surang si badan diri

Dunia sadang baibo hati

Kini di rumah mandakek an diri ka Ilahi

 

Dek ulah silau jo lagak duniA

Sampai lupo kawajiban sabagai manusia

Kini tangguang pulo musibah dunia

Pabanyak amal di rumah jo kaluarga

 

*Mahasiswa Sastra Minangkabau Universitas Andalas


Wartawan : Sintya Yunia Zalti
Editor : bahren

Tag :# langkan # PuIsi # Pantun # Minang