HOME LANGKAN GARAH


  • Jumat, 1 Maret 2019
Payah...
Garah

Payah.....

N Mangkutto

lai acok mandanga pituah, "tibo di mato ndak di piciangan, tibo di paruik ndak di kampih an"? kok di tanyo surang2 nan parnah mandanga pituah ko, sakarek mungkin manjawek, "tau den arati e mah, kecek waang ongok na den kow?". sakarek lai mungkin manjawek, "banyak na ka den pikie an mah, mato waang urusan waang, mato den urusan den, paruik waang bakato ang lo, paruik den tantu bakati den lo, wak uruih je diri surang2 lah yow!"..... kiro2 kok di karajoan bana pituah ko sa jujur2 e baa nye? a na lah masalah  e mamiciangan mato tuw? cubo lah jago agak tenggih ari, dari tampek tidue cubo langsuang maloncek ka laman matoari sadang ka naiak namo e tuw, ndak langsuang tapiciangan mato tuw? cubo lo lah tagak di tangah angin limbubu, nyo kisai abu jo sarok ma layok2 di tangah jalan, kiro2 kok awak kao an juo bajalan ndak ka dipiciangan mato tuw? cubo lo lah paso mato tu tabulalak wakatu awak lah tak lalok 3 malam, ndak ka dipiciangan mato tu agak sakijok? kalau lah coitu kajadian, baa lo tak ka dipiciangan mato tuw?..... tantang paruik coitu lo. wakatu paruik sakik ma miyueh dek tabanyak makan lado kutu, tu di uruik an minyak cap kampak, tak ka di kampihan paruik tuw? kana lo lah kajadian sadang bulan puaso, lupo lo makan sahur, wakatu sudah sumbayang ashar tak ka kampih paruik tu raso e? ado lo kajadian dek anak2 mudo kini, dek nio gagah nampak e dek urang rami, ba alik kabek pinggang tu sa kancang2 e supayo kampih nampak paruik tabudue tuw! tu a lo lah salah e paruik gadang tu di kampih an kok iyo coitu masalah e?..... kajadian2 tadi kan tak lo ba buek2 namo e tu do? bak kecek urang kini, otomatis! ado kajadian, ado tindakan. ado sabab, karano ado musabab. tak diajan, tak di ujo, tak di setel, tak di pikie an lo sabalun e do!.... kok diaratian lo pituah tu sarupo pangana rang gaek2 saisuak, haaaa iyo lah payah lo mancari kajadian e di jaman kini. ma lo ado urang nan tak ka tapangaruah disuruah  mamilieh antaro nan kontan jo nan kuridit? antaro nan cokpiah jo nan sasuku? antaro nan asli jo nan palasu? antaro nan di urek lihie jo nan di ujuang jari? antaro sajangka jo nan saheto? iyo lai ado tuw?..... jadi baa pangana lae? nan takana dek karuik, pituah ko jan di sabuik2 bana, karajoan sajolah! ma tau kok iyo lai takarajoan kan alhamdulillah namo e mah. kok indak, lah ba busa2 muncuang manyabuik sabalik nan talok, kiro e tak takarajoan beko baa? lai ndak ka bakada muncuang nan lah acok manyabuik tuw? lai ndak bantuak ma hiruik aie salero nan lah maleleh nampak dek urang? karajo payah ko kok dapek iyo di karajoan haniang2 sajo, jaman kini lah wale, payah na awak urang tak juo ka acuah, tak payah na awak urang tak juo ka picayo, jadi manga lo ka di papayah na iduik ko lae?..... #love.bahasominang.edition#


Wartawan : N Mangkutto
Editor : TE

Tag :kucindanMinang