HOME LANGKAN PANTUN

  • Rabu, 27 Maret 2019
Pantun Mahasiswa FKIP UMSB Padang Panjang
Pantun

Pantun –Pantun Mahasiswa FKIP UMSB Padang Panjang

 

Pantun karya widya novianti

 

Buruang  pipik tabang dilaman

Tabang sikua hinggok duo

Putiah hati manangguang baban

Taragak basuo ayah jo bundo

 

Hinggok buruang mambuek sarang

Sarang banamo sarang tampuro

Lah lamo bujang di rantau urang

Ayah jo bundo manangguang seso

 

Rami urang ka malalo

Pai kasinan ba oto puso

Usah seso ayah jo bundo

Denai lai ka pulang juo

 

Pantun  Karya Irsyad Thabrani

 

Padang Panjang  Serambi Mekkah

Disitu Yo Banyak Musajiknyo

Dima Kampus Nan Paliang Gagah

Muhammadiyah Lah Juaranyo

 

Nak Duo pantun sairing

 

Dima  kampus  nan  paliang  gagah

Muhammadiyah lah tampeknyo

Dima  kampuang  nan  paliang  takah

Yo kampuang ambo lah pastinyo

 

Pantun katigo baitu pulo

 

Dima kampuang nan  paliang  takah

Kampuang ambo lah pastinyo

Sia urang nan paliang gagah

Banyak urang mangecek ambo

Pantun Karya Septri Ana Della

 

Diambiak daun batang anjalai

Ilangnyo malah ka taruko

Bukannyo badan nan marasai

Hati ko bana nan taluko

 

Pisang samek diateh pagu

Dibaok urang ka muaro

Kabakeh denai usahlah ragu

Nyao di badan kajadi juo

 

Dielo batang daun biludu

Jatuah ka samak nan jo niro

Kasia badan ka mangadu

Jo dunsanak baganggam baro

 

Pantun Karya Rani Safitri

 

Pasang pikek tanamlah padi

Padi ditanam sanjo hari

Dari ketek pandai mangaji

Kinilah gadang elok budi

 

Jarum patah didalam peti

Peti diambiak patang hari

Usah kecek simpan dihati

Buliah cakak indak tajadi

 

Elok budi dibaok mati

Pai kapakan bajalan kaki

Kato janji indak bapasti

Urang indak picayo lai

 

Pantun Karya Vena Melisa

 

Bunyi  saluang badendang juo

Takana kampuang urang jadinyo

Bulek ketek kuniang warnanyo

Yo cubadak lah namonyo

 

Baa kok angek raso hari

Tambah dikipeh tambah manjadi

Jan lupo singgah kamari

Mambaok cubadak nan manih sakali

 

Pantun karya hafiza aini

 

Pai raun makan cubadak

Rasonyo indak talupokan

Uda iyo sabana engak

Adiak nan kamek batinggakan

 

Daun limau jo daun sarai

Nan katigo daun kunyik

Katiko kecek indak sampai

Nan dihati taraso sakik

 

Pantun karya Rexsa Rehan

 

Bacuboan masak gulai

Dicuboan lamak rasonyo

Kalau hati lah marasai

Jan bunuh diri bodoh wak nyo

 

Bacuboan masak gulai

Dicuboan lamak rasonyo

Kalau kama lah bakusai

Barasian lai jan lupo

 

Kalau kama lai bakusai

Barasian lai jan lupo

Alah pacaran lo lai

Nikah lu baru pacaran yo?

 

Pantun karya widya novianti

 

Manggaleh urang ka pasa bawan

Manggaleh iyo di kaki limo

Lah lamo kito manjadi kawan

Raso tumbuah pareso tibo

 

Rami urang di pasaman

Rami dek anak mudo-mudo

Iko bana nan denai rusuahkan

Kawan manjadi cinto kironyo

 

Batabuik urang di piaman

Badendang anak urang baso

Apo pulo nan adiak rusuahkan

Tuhan Allah nan kuaso

 

Pantun Karya NISA AULIA RAHMADANI

 

Karupuak badaruak- daruak

Dimakan badarau darau

Sabantako ambo sadang duduak

Ruponyo namo lah taiimbau

 

Jalam jalan ka bukitinggi

Singgah dahulu ka jam gadang

Kini hati maraso sepi

Mancaliak uda nan alun datang

 

 

Semua Penulis Adalah Mahasiswa FKPI UMSB Padang Panjang


Wartawan : Bahren
Editor : boing

Tag :#pantun #minangkabau #mahasiswa