HOME LANGKAN CARITO


  • Minggu, 21 April 2019
Legenda Tupai Janjang (Bagian 3)
Carito

Legenda Tupai Janjang (Bagian 3)

Oleh: Ike Efrita

Samanjak hari tu Mandeh Rubiah joMak Itam, manjadian tupai tu jadi anak nyo, sajak kajadian tu lah banyak parubahan nan tajadi di kaluarga Mak Itam tu. Pado suatu malam pas malam purnama tibo, tupai tu mangaluah kasakik an, antah apo panyababnyo, ”mandeh... sakik bana raso badan ambo ko... raso katangga sagalo pasandian ko rasonyo,” mandanga tupai tu nan mode tu mandeh ko ndak tau apo nan nyo karajoan doh,”andehhh... baa lah ang kini ko, mandeh ndak tau kamanga doh,apo nan aruih mandeh karajoan “. Mandeh Rubiah mancaliak tupai tu mati kasakik an, tajagolah Mak Itam wakatu “ baa lah ang ko? apo nan sakik “ kato Mak Itam ka tupai tu. Tupai tu hanyo marauang manahan sakik. 

Mandeh Rubiah jo Mak Itam lah ilang aka untuak ma ubek an nyo. Sampai-sampai adolah parubahan pado tupai tu, sagalo bulu nan ado di badanyo habih ruruik, sampai lah abih sagalo bulu tu di tubuah nyo,tupai tu barubah manjadi urang. Gagahnyo indak kapalang. Apolah kato nan ndak takecek an dek  Mandeh Rubiah jo Mak Itam, karano tupai tu barubah manjadi urang. ”andehh iyolah aneh nampak dek denai...” kato Mak Itam. Tupai tu lansuang nyo turuik  Mandeh Rubiah, ” mandeh .... iko lah wujuik ambo nan sabana e”.  Mandeh Rubiah ndak tau apo nan nyo kecek an e doh,”ondeh indak den sangko waang bisa manjadi urang sarupo iko doh nak, baharok bana denai mandapek anak nan sarupo waang ko”, dek karano tupai tu lah dianggap e manjadi anak e, bialah bantuak nyo nan mode  tupai,tapi mukzizat nan tibo untuak mandehjo Mak Itam urang nyo panyaba, pangasiah sayang.

Katiko itu tupai tu mangecek “mandeh tarimokasi salamoko untuak mandeh jo Mak Itam, karano lah nio maliharo ambo, nan kini ambolai nio mandeh manjadi urang tuo ambo”. Mandanga tupai nan mangecek mode tu  Mandeh Rubiah “ indak paralu ang mangecek sarupo iko lai nak, karano lah dari dulu denai lah ma anggap ang anak denai,  dek kini ang lah jadi anak denai ang den agiah namo Bujang Saroman“, jo hati nan sanang  Mandeh Rubiah manjatuahan aia mato,  karano hati nan sadang sanang bana.

Samanjak tupai tu lah manjadi pemuda nan gagah, hiduik  Mandeh Rubiah jo Mak Itam samakin barubah, hasia panen nan banyak taruih. Sajak itulah Mandeh Rubiah jo Mak Itam manjadi urang nan barado lah di kampung tu, nan dulu rumah nyo ambaruang kini lah rancak.  Mandeh Rubiah jo Mak Itam,  urang nyo ndak pilik, Mandeh Rubiah jo Mak Itam urang nan elok, satiok ado urang nan sadang payah nyo tolong.

Hari baganti,  musim pun balalu, samantaro Rajo Basa  jo Siti Manih sadang tapuruak bana, karano hasia parak nyo ndak ado nan manjadi doh, sampai sampai Siti Manih jatuah sakik,sagalo parak lah abih tagadai untuk ma ubek an Siti Manih. Lah habih sagalo parak nyo, lah nyo jua untuak maa ubek Siti Manih, indak juo kunjuang sehaik. Samantaro Rajo Basa  handak mintak tolong ka urang kampung untuk maminjaman pitih untuak baubek bininyo, tapi ndak ado saurang alah nan nio maminjaman pitih ka Rajo Basa,  samanjak wak e lah bansaik.

Katiko Rajo Basa bajalan baliak pulang,  tadanga lah dek inyo, ado urang nan elok manyalang an pitih di kampuang subarang. Tapikia-pikia lah dek inyo pai untuak maminjam pitih, samataro tu nyo lansuang capek-capek untuak pulang, lah tibo nyo di rumah “ baa da lai ado dapek maminjam tu.” kato Siti Manih nan sadang sakik, “hmmm indak ado urang nan nio minjam an pitih ka awak lai doh”, jawek Rajo Basa. Mandanga mode tu Siti Manih balinang aia mato karano hiduik nyo lah malaraik, tambah samanjak anak nyo ilang tu, “tapi denai ado mandangga kaba, kalau ado urang nan dermawan nan nio maminjam an pitih, tapi urang tu di kampuang sabalah , bisuak pagi, denai nio mancubo manyalang ka urang tu,untuang-untuang wak e lai nio manolong awak“, kato Rajo Basa  mananangan Siti Manih.

 Bisuak pagi nyo Rajo Basa pai, ka kampuang sabalah untuak mancubo maminjam pitih tu, dalam nyo manuju ka rumah Mandeh Rubiah tu, Rajo Basa  maambiak jalan pinteh nan capek untuak sampai ka rumah  Mandeh Rubiah tu.Nyo lalu rimbo,nan dima rimbo tu dahulu nyo maninggakan anak nyo. Tapi Rajo Basa  ndak takana kalau di sinan nyo maninggakan anak nyo tu. Dan akhia nyo Rajo Basa  sampai juo di rumah  Mandeh Rubiah. Rajo Basa  lansuang maa nokok pintu rumah  Mandeh Rubiah tu, “assalammulaikum, lai ado urang di rumah”, kato Rajo Basa.Lah bara kali lo Rajo Basa  maa nokok pintu tu ndak jo ado urang nan manyauik lai. Dek karano ndak ado urang nan manyauik doh,Rajo Basa  taniak untuak balaik pulang liak, indak bara langkah dari rumah tu,” waalaikumsalam, sia tu!! “, jawek Mandeh Rubiah. Babaliak Rajo Basa  balaik dek karano ado uarang di rumah tu, “ eh masuak lah dulu,  ado parulu apo tuan,  sampai-sampai tibo di rumah ambo ko”, jawek  Mandeh Rubiah ka Rajo Basa. Rajo Basa  manyampai an niak nyo untuak pai kamari “ bak iko uni, ambo Rajo Basa urang kampuang sabalah, ambo kamari iyolah mintak tolong ka uni, kamari ambo nak maminjam pitih ka uni “, kato Rajo Basa ka Mandeh Rubiah.”oooo bak itu tuan, bara handaknyo tuan....”langsuang Rajo Basa  manyambuang kato  Mandeh Rubiah “hmmm.. ndak banyak pulo doh ni, sakadar nyo sajo, beko indak talok ambo mambayia kalau banayak-banyak na beko”

Rajo Basa  sagan dek inyo manyalang ka  Mandeh Rubiah,tapi baalah kadayo untuak maubek an Siti Manih nan sadang sakik di rumah,”ooo kalau bak itu tunggu santa iyo.. eh minum lah aia ko dulu “ Mandeh Rubiah pai kabalakang untuak maambiak pitih nyo, samantaro Rajo Basa  manunggu, nyo minum aia nan lah di latak an dek Mandeh Rubiah tadin. Ndak bara lamo sasudah itu  Mandeh Rubiah kalua dari biliak nyo,”andehh maaf denai tuan lamo bana denai maningaan tuan” bak jawek Rajo Basa  “indak baa doh uni,  ambo lai paham “.  Mandeh Rubiah manggaluan unjuik untuak ka diagiah ka Rajo Basa , ” ikolah tuan , untuang-untuang lai baa mampaat untuak tuan”, kato  Mandeh Rubiah ka Rajo Basa.

Rajo Basa  takajuik mancaliak apo nan di agihan dek Mandeh Rubiah,”ondehh ni ... baa sabanyak iko bana ni, beko ndak talok dek ambo mambayia e beko”, kato Rajo Basa  ka mandeh Rubiah karano banyak bana nan di salangan nyo dek  Mandeh Rubiah tu. Mandeh Rubiah iklas manolongan Rajo Basa, ndak mukasuik nyo mode itu, karano  Mandeh Rubiah ado raso lain ka kaluarga Rajo Basa ko.

“Indak baa itu lai uni,  mokasih banyak lah manolongan ambo, kalau ndak ado uni ndak tau ambo ka pai kama lai doh, mokasih banyak ni...” Rajo Basa sabana-bana mintak tarimo kasih ka  Mandeh Rubiah dek inyo nio manolongan e. Dek hari lah patang, Rajo Basa nyo pulang lai dek karano bininyo tingga di umah surang e, “ndak bak itu doh, dek uni lah manilongan ambo kini, bilo ambo lah punyo pitih ambo baliak an punyo uni baliak, dek hari lah patang pulo ni,ambo baliak lah pulang dulu”. Rajo Basa  mintak izin untuak pulang “ ndak paralau mode tu bana doh tuan, antah bisuak-bisuak ko denai lo nan mintak tolong ka tuan bisuak “.

Kaduo nyo basalaman ,  Rajo Basa  nyo capek-capek untuak pulang dek Siti Manih hanyo isurang tingga di rumah, ndak bara jauh jarak nyo antaro Rajo Basa pai, pulang lah Mak Itam jo Bujang Saroman, dek mancalaik  Mandeh Rubiah tagak mancalaik an Rajo Basa  tadin,  ” heh ado apo Mandeh bamanung bana,  apo nan mandeh pikian, baa kok sarupo itu bana mandeh mancalaik kasinan?.... “ kato Bujang Saroman ka mandeh “indak nak, ndak ado nan mandeh pikian doh, tadin ado urang kampuang subarang kamari mintak tolong, tapi mandeh maraso nyo ado nan aneh,  tapi... baa lah ...!!!” Madeh Rubiah maraso ado nan ganjia, antah dek baa Mandeh Rubiah tapikia taruih dek urang nan maminjam tadin (Rajo Basa ).

Indak usah kau pikian bana, kok ndak nyo baliak an balaik,  iklas an selah ,  mungkin itu rasaki wak e lo, pek lah masuak wak lai hari lah sanjo lo,  ndak elok hari sanjo ko wak tagak di lua doh “kato Mak itam ka Mandeh Rubiah, masuak lah  Mandeh Rubiah jo Mak Itam kadalam, tapi Bujang Saroman inyo maraso kalau urang nan tibo santa tu iyolah kaluarga nyo tapi mungkin pirasaik e. “ iyolah nak masuak kito lai ”  Mandeh Rubiah maajak Bujang Saroman masuak. Malam hari nyo kaluarga  Mandeh Rubiah ko ma ota pajalanan Mak Itam jo Bujang Saroman nan tadin, dek indak disang ko hari lah laruik pulo,  mandeh jo Mak Itam lalok, tapi Bujang Saroman tapikia urang nan dikecek an dek mandeh tadin, Bujang Saroman talalok,tapi dalam lalok e tu nyo bamimpi nyo mancaliak sakalompok tupai nan sadang basobok , nan dima tupai tu mirip jo inyo dulu, “adeh aneh baa lah mimpi ambo ko, apo mungkasuik dari mimpi tadin”tajagolah inyo dalam mimpinyo tu, ndak disangko hari lah pagi nyo lansuang duduak.

Ndak bara bulan sasudah tu Rajo Basa  jo Siti Manih pai karumah  Mandeh Rubiah ,  untuak mambalik an utang nyo ka  Mandeh Rubiah, sabab dek  Mandeh Rubiah, Siti Manih kini lah sehaik balaik,”odeh uda ambo, bilo kito baliak an utang kito ka urang kampuang sabalah tu uda, denai sagan uda, dek kito kini alah ado untuak mambayia nyo, baa manuruik pandapek uda..”Siti Manih maagiah saran ka Rajo Basa ,” iyo pulo diak, dek kito kini lai ado pulo, baa rancak bisuak kito antaan “, baisuak hari barangkek lah Rajo Basa  jo Siti Manih pai ka rumah  Mandeh Rubiah.

Di rumah  Mandeh Rubiah wak e sadonyo sadang siap-siap untuak pai ka lua daerah,  dalam nyo sadang sipa-siap tu  Mandeh Rubiah ndak lamak badan,  jadi ndak jadih inyo pai ka lua daerah lai, ”mandeh kalau mode tu ndak usah wak pai lai,beko tambah sakik lo mandeh beko” kato Bujang Saroman ka mandeh. Akhia nyo mandeh, Mak Itam jo Bujang Saroman ndak jadi inyo pai, dek karano mandeh sadng ndak lamak badan. Mandeh Rubiah di suruah istirahaik dek Bujang Saroman, sadang kan Mak Itam pai mancari ubek untuak Mandeh Rubiah.

Indak bara lamo sasudah tu, Rajo Baja jo Siti Manih ampia sampai di rumah Mandeh Rubiah, dan lah lamo bajalan sampai juo lah Rajo Basa jo Siti Manih di umah Mandeh Rubiah, “ akhia nyo sampai juo wak,  untuang-untuang ado nyo di rumah yo diak”,  paham Rajo Basa  ka Siti Manih, Rajo Basa  lansung manokok pintu rumah tu,” assalammualaikum... lai ado urang dirumah ,  unii.... nii.....”, Rajo Basa  maimbau-imbau urang nan punyo rumah “ mungkin wak e ndak di umah da,balaik se lah wak balaik, bilo-bilo wak pai mari baliak”, gumam Siti Manih ka Rajo Basa, ndak bara sudah itu ado urang nan manyauik an dari dalam “ lai sia tuu.....”  Mandeh Rubiah mambukak pintu ,  seneh urang nan maibau-ibau iyolah Rajo Basa  “ odeh tuan .. masuak lah ka dalam dulu”  Mandeh Rubiah manyuruah Rajo Basa jo Siti Manih naik ka umah e,dalam nyo lah duduak,  lah banyak kato nan nyo katoan dek Rajo Basa.

Maaf sabalun nyo ni.. baru kini ambo bisa mambayia utang kami ka uni baru” Rajo Basa  maagiahan utang nyo ka  Mandeh Rubiah,” ndak baa doh tuan, kami sakaluarga lai iklas manlong untuak urang nan sadang paralu” kato  Mandeh Rubiah.Maaf uni... samo sia uni di rumah, bantuak nyo uni surang se nampak dek ambo”,kato Siti Manih ka Mandeh Rubiah,” iyo pulo .. wakatu ambo pai kamari dulu uni surang pulo nampak dek ambo, ndak ado urang di rumah doh uni..” tanyo Rajo Basa  pulo ka  Mandeh Rubiah,”ndak .. lai adonyoh, wakatu laki jo anak ambo sadang pai,  kini lai nyo di rumah. Katiko  Mandeh Rubiah sadang mangecek ma imbaulah Bujang Saroman. Mandeh baa kok mandeh duduak,kan mandeh sadang sakik, kato Bujang Saroman ka Mandeh Rubiah, Bujang Saroman ndak tau kalau  Mandeh Rubiah ado tamu,  katiko di caliak e dek Bujang Saroman ,  ado urang nan sadang mangecek jo mandeh.

Haa itu lah anak denai aa..” kato  Mandeh Rubiah ka Rajo Basa  jo Siti Manih, mambaliak lah urang nan baduo ko mancaliak anak  Mandeh Rubiah, katiko Rajo Basa  jo Siti Manih mambaliak takajuik lah Bujang Saroman apo nan nyo caliak,  baranti sakali langkah kaki Bujang Saroman dek mancaliak urang tuo kandung nyo ado siko,ndak tau apo kato nan di kaluan dek Bujang Saroman, Siti Manih hanyo tacangang mancaliak Bujang Saroman,  tasirok darah Siti Manih katiko mancaliak Bujang Saroman tu, Siti Manih lansuang mandakek ka Bujang Saroman,  sadangkan Bujang Saroman hanyo manatap ibunyo Siti Manih

Karano dek lah lamo ndak basuo, samantaro Siti Manih ndak tau lo apo nan nyo sampaian katiko mancaliak Bujang Saroman tu doh, katiko nyo baduo baadok an Bujang Saroman “ ibu ......” katiko Bujang Saroman mangecek kato ibu ka Siti Manih lansung badarai aia mato Siti Manih,”ambo ko anak ibu...” Siti Manih lansuang nyo paluak Bujang Saroman “anak ambo.... kama se ang nak,l ah putuih aso ibu mancari ang, ndak tau pangana nan bana ibu lai na kato mancari, mandanga Siti Manih mangecek mode tu takajuik lah mandeh rubiah mandangan nyo sontak Mak Itam nan baru pulang, Rajo Basa  hanyo tatagun mandangan nyo,Rajo Basa  maraso basalah bana dek karano mamisahan anak jo induak nyo,ndak tau malu kama Rajo Basa  adok “maaf an salah ayah nak,ayah nan mambuek ang jo ibu ang bapisah, wakatu ambo sadang ndak bapangana, kok berang ang ka ambo ndak baa doh nak.” Rajo Basa  mintak maaf ka Bujang Saroman dek karano lah mamisah jo Siti Manih “ayah kanduang denai,  ndak kan lah denai berang ka ayah kandung surang. Mungkin kalau ayah ndak maningaan ambo wakatu tu,ndak mungkin ambo bisa barubah doh ayah,tapi untuang lah ambo basobok jo kaluarga mandeh jo Mak Itam ko nyo lah manggadangkan ambo sampai ambo mode ko”,samantaro  Mandeh Rubiah jo Mak Itam hanyo diam sajo,karano Bujang Saroman lah basobok jo urang gaek nyo, “ makasih banyak uni jo uda,  karano lah manyalamaik an anak ambo,mungkin ndak taganti dek ambo doh,  bara elok nyo uni jo uda”.

Samanjak hari tu Bujang Saroman basobok jo urang tuo nyo,tapi bujang saruman ndak ikuik baliak ka umah ayah jo ibu e doh, dek karano Bujang Saroman labiah mamiliah tingga jo  Mandeh Rubiah jo Mak Itam. Katiko itu  Mandeh Rubiah managih mandangan Bujang Saroman.  Mandeh Rubiah manyangko kalau nyo pai pulang karumah urang tua nyo balaik tapi seneh indak.Bujang Saroman labiah mamiliah untuak tingga jo Mandeh Rubiah.sakali-kali Bujang Saroman pulang juo kakampung halamannyo. Samanjak itu kaduo kaluargako saliang lah manjadi kaluarga gadang dek karono saurang anak nan mambuek nyo manjadi ciek

(Salasai)

*Mahasiswa Jurusan Sastra Minangkabau FIB Unand

 


Wartawan : Ike Efrita
Editor : Bahren

Tag :# Langkan # curito #minang